關注屋苑財務

大家繼續關注屋苑財務，現屇管委會係2021年12月22日開咗第2次會議，其中：

議程《3.2 匯報 2022 年度財政預算案收集業主意見事宜》，到底有無業主提出過意見，管委會係點回覆、點處理，管委會應該公佈俾大家了解，不要等到出會議通告時輕輕帶過吧！

議程《4.1 匯報及通過 2022 年度屋苑保險合約事宜》，估計管委會已經通過了保險合約俾邊間公司，咁管委會係點樣通過招標採購程序而選定中標公司？保險內容 (起碼投保撮要) 關乎居民利益及權責，管委會應該公佈俾大家了解吧！