請法團提供銀行月結單

陽光天盛財務關注組 (業主) 成員自6月16日開始，多翻向富城管業處及法團管理委員會要求提供銀行月結單，至今仍然得唔到回覆！

自2020年7月開始，我地就見唔到有銀行月結單公佈出來俾業主睇 (除咗31/12/2020)，對於現任委員會將近一年都一直不公佈銀行月結單，令到我地無法知悉和核對法團現金流量的來龍去脈，我地除了表達不滿，主要還是對法團帳戶、資金管理存有疑慮，到底法團銀行戶口結餘有幾多錢？啲錢到底擺係富城定法團戶口？有無做定期、有無利息？無可能咁多個月都說不清道不明！

一直以來，每次管委會會議都有詳細匯報銀行存款結餘，定期存款及利息，而財務報表亦係以會議記錄附件作為正式記錄，係符合法規及財務管理嘅做法。

事實上第344章 《建築物管理條例》第27條:法團帳⽬財務報表須由管理委員會主席及秘書或司庫簽發，我地不明白為何換了現任(補選)管委會，就可以改變一向做法，不按照法規及財務原則公佈 (1)收支結算表 (2) 資產負債表 (3) 銀行月結單。

請管委會及時回應我地要求，我地同時要求管委會財務小組與我地財務關於組會面交流、溝通、澄清，以釋疑慮。

備註： 雖然 (1)收支結算表 (2) 資產負債表有貼出大堂，不過係富城嘅報表，欠管委會主席及秘書或司庫簽發，也不是法團會議通過嘅記錄，法團是否確認？不得而知！