社區建設的原動力來自於公共對話和參與！

我地只係希望有個【真。陽光法團】，法團運作需要公開透明，有開放嘅平台及渠道，才能夠推動更多居民參與。如果法團只係一小撮人自把自為，甚至是某個人獨斷獨行，而不是以維護業主權益及尊重住戶意見為己任，咁嘅法團管委會只係會同居民越行越遠，得到了所謂主席、秘書、司庫或委員身份，實際根本唔會被居民認同。

"公開透明" 好難做得到？有幾難！參考一下人地屋苑 (如圖) 點開會，係直播呀，唔係簽保密協議！而財務報表、會議記錄都係任人下載，法團網頁資訊亦都係齊全... 要做好啲，其實有幾難！