盡職盡责嘅管委會

人地屋苑嘅管委會，睇得到盡職盡责嘅管委會，係會將事情及時反映俾居民知道。但係好多法團做事方式係：業主想了解咩？可以來旁聼會議呀！可以睇會議記錄呀！有財務報表呀！

好多時候，類似工程維修嘅開支，幾時發生係一回事，幾時開會討論係另一回事（緊急維修都做咗再追認吧）。開完會，會議記錄幾時出？有無出記錄或詳盡記錄又係一回事。由費用發生到公佈通知，中間可以係有一大段時差，到業主睇到會議記錄或財務報表（仲要你有心關注），已經米已成炊，事過境遷，既成事實，只要唔使夾錢就無人覺得有嘢，而且追究都無意義……就係咁，一次次地過咗海就係神仙。