法團終於肯公佈銀行月結單了！

提示大家，法團昨天終於將2021年6月30日銀行月結單貼咗出來，而對上一次公佈月結單已經係2020年12月31日嘅記錄，事隔半年先至俾我地睇一次月結單，大家可以接受嗎？

無論點都好，事實証明法團不是不可以公佈月結單俾居民睇嘅，咁點解一直都唔肯做，要居民多番要求先至肯擠牙膏公佈一下！

還有一點，今次公佈嘅月結單係2021年6月30日，但係富城嘅財務報表只係公佈到2021年5月份，根本唔對應，咁1~5月份月結單又唔公佈，叫人點去核對？

收支結算表、資產負責表及現金流量表係最關鍵的財務三大報表，三者可以互相對照、印証、核實，缺一不可，請法團嚴格執行。