戶外活動設施封閉

大家每次行山，有無覺得呢個政策真係荒謬到一個點！如果戶外兒童遊樂場、公眾泳池及泳灘等都可以重開。咁點解，同樣係戶外活動設施，公眾燒烤場同露營地點，漁護署就打死都唔肯重新開放？兼且好頻密地派人巡查檢控 "違法" 燒烤、露營人士

除非係要與民為敵，或者想趕晒市民去幫襯鄉黑經營嘅營地，否則真係唔明白漁護署嘅理由:

同樣位於郊野公園，點解行山就得，踩單車都得，但係BBQ同露營又唔得?

餐廳食飯都可以分ABCD區，最多8人一枱，點解一家大細、好朋友係戶外BBQ又唔得?

營地點解要封? 怕瞓埋一個帳篷入面會人傳人嗎？咁一家人係屋企又點算？

封場根本毫無理據，你覺得呢？