單車安全及急救護理

呢輪天氣好，多咗人出來踩單車，好不幸上星期大嶼山翔東路及大埔汀角路，發生2宗致命單車意外，而我地天盛動起來都有一位隊員最近係大棠落吉慶橋條大斜路炒車，雖然話好彩無大礙，但係肋骨裂咗，右手肩膀及肩胛骨都有撞傷，皮外傷是免不了，皮膚損害面積也頗大，目前郁啲都傷，只能"躺平"，恐怕要休養一段時間了，在此祝願他早日康復。

畢竟踩單車都係有危險嘅運動，就算自己再小心僅慎，有時候意外來到也是難免受傷。隊友對今次事件嘅深刻體會，除咗單車安全之外，經常踩單人嘅人係好須要正確救護知識，今次其實都算好彩，若果我地處理這種意外時手忙腳亂，過於心急，大力移動傷員，後果可大可小，若肋骨骨折嚴重是會刺到心臟的，救護務必要先小心檢查，包括頭和盤骨，處理不當都可能致命！

或者天盛動起來應該搞下 "單車安全及急救護理" 嘅講座？大家點睇