到底有幾多戶欠交管理費？

今日出文多咗啲，不過因為有業主問到，就講吓欠交管理費嘅情況。睇返富城貼出來嘅財務報表，2021年5月31日應收管理費為 $650,154.00，呢個只係2020年7月1日富城上場之後嘅數字。

而2020年7月1日嘅累計數字只不過係$76,255.52，富城由2021年1月份才開始收管理費 (2020免全年)，僅僅5個月已經累計超過前任管理公司成10倍咁大嘅應收管理費，長此落去，法團點解決？再免一年好嗎？