依家先講無服務合約？

富城2020年7月1日正式上場至今超過一年，掌管著整個屋苑物業管理、資金和帳目，一直到了今時今日天盛苑法團第八屇管委會才出通告，同我地業主講 "啊！原來我地做咗補選委員咁耐，其實都未見過富城份合約嘅....。" - 咁你地班委員咁耐發緊夢？點監控管理公司？

真係咁樣嗎，我地又唔係委員，又經常無得旁聽，我地點知道你邊個邊個問題？同我地講 "前管委會＂有乜意思？同我地講 "富城＂又有乜意思？

全都是現任管委會責任吧！ "前管委會＂、"富城＂真係唔俾合約你嘅，點解你唔搵法團律師做嘢呢？點解你唔訴訟法律行動，維護業主權益呢？點解平時你又識得搵法團律師來應付旁聽業主，去到呢個咁重要問題，你地現任管委會可以一直唔出聲，事隔成年先至來出張通告....話說：其實張通告講乜？你地想點？